Almaniyalı jurnalistlər "Proyssen"i ABŞ-ın II liqa klubu "Feniks Rizinq"ə dəyişən Rüfət Dadaşovla əlaqə saxlayıb, keçid barədə məlumat almaq istəsələr də, buna nail olmayıblar.
Sportinfo.az xəbər verir ki, milli komandamızın hücumçusu yerli medianı boykot edib. Cari mövsümün ilk yarısında Münster təmsilçisindəki çıxışına görə xeyli tənqid olunan 28 yaşlı futbolçu alman jurnalistlərdən inciyib. Bu səbəbdən də bir müddətdir yerli mətbuatı nə açıqlama, nə də müsahibə verir.
Dadaşov 2018-ci ilin yayından "Proyssen"də çıxış edirdi.