19 yaşadək futbolçulardan ibarət yığmamızın heyətinə yeni futbolçu çağırılıb.
Sportinfo.az Türkiyə mətbuatına istinadən xəbər verir ki, AFFA "Alanyaspor"un oyunçusu Məhəmməd Mustafa Yıldırıma dəvət göndərib. Superliqa təmsilçisinin U-19 komandasında çıxış edən gənc hücumçunun yanvarın 18-dən 28-dək Antalyada baş tutacaq toplanışda iştirak edəcəyi bildirilib.
Qeyd edək ki, U-19 millimiz bu ilin oktyabrında AÇ-2021-in seçmə mərhələsində Fransa, Yunanıstan və Moldova ilə qarşılaşacaq.