.jpg)
"Mən millinin futbolçularının oyunu bukmekerlərə qoyduğunu eşitməmişəm". Bu sözləri Sportinfo.az-a açıqlamasında Peşəkar Futbol Liqasının prezidenti Ramin Musayev deyib.
Məlumata görə, o, AFFA rəhbərliyinin bağlı qapılar arxasında keçirilən toplantısında bu haqda danışıb və konkret ad(lar) çəkib.
PFL-in birinci şəxsi bildirib ki, həmin oyunçu(lar) barədə konkret faktlar var, amma nədənsə adları ictimaiyyətdən gizli saxlanılır.
AFFA-nın baş katibi Elxan Məmmədov məsələdən xəbərdar olduğunu, lakin o futbolçuların millinin deyil, öz klublarının oyunlarına pul qoyuluşu etdiyini deyib.
Lakin federasiya rəsmisi hansı səbəbdən onların adlarının "qara siyahı"ya salınmadığını açıqlamayıb.
Saytımıza danışan R.Musayev bildirib ki, burada anlaşmazlıq var: "Belə bir şey olmayıb. Elxan Məmmədovla aramızda bu barədə hər hansı söhbət olmayıb".
