Minifutbol üzrə Azərbaycan millisi Slovakiyada keçirilən Avropa çempionatında bu gün növbəti oyununu keçirəcək.
Sportinfo.az xəbər verir ki, Elşad Quliyevin baş məşqçisi olduğu komanda F qrupundakı ikinci matçında İtaliya ilə üz-üzə gələcək.
Oyun “Tipos Arena”da, saat 17:45-də start götürəcək.
Azərbaycan komandası ötən gün ilk turda Avstriyanı minimal hesabla üstələyib – 1:0. İtaliya isə Fransa ilə heç-heçə edib – 0:0.
Azərbaycan millisi mayın 30-da Fransa ilə qarşılaşacaq.

