“Barselona”nın baş məşqçisi Xavi klubun azarkeşləri haqda danışıb.
Sportinfo.az xəbər verir ki, o, azarkeşlərə təşəkkür edib:
“Həmişə fanatlarımızdan həmrəy olmağı xahiş etmişəm. İndi isə onlara təşəkkür etməyin vaxtıdır”.
Daha sonra ispaniyalı mütəxəssis klubun prezidenti Xuan Laporta barədə fikirlərini bildirib:
“Elə prezidentimiz Laportaya da təşəkkür edirəm. Cənab prezident, biz o qədər də pis komanda deyilik. Bütün rəhbərliyə minnətdaram!”
Kataloniya təmsilçisi La Liqanın 34-cü turunun “Espanyol”la matçında qazandığı qələbə ilə (4:2) sona 4 tur qalmış çempionluğu rəsmiləşdirib.
“Barsa” tarixində 27-ci dəfə İspaniya çempionu olub. Bu göstəricidə rekord “Real”a məxsusdur (35).
