Cazibədar idman jurnalisti Eleonora Boi Puerto-Rikoda istirahət zamanı köpəkbalığının hücumuna məruz qalıb.
Sportinfo.az xəbər verir ki, üçüncü övladını gözləyən Eleonora hücum nəticəsində ayağından yaralanıb və dərhal xəstəxanaya aparılaraq əməliyyat olunub.
Hadisə sahilə yaxın ərazidə baş verib. Köpəkbalığının çoxalma dövründə olduğu və bu səbəbdən aqressiv davrandığı bildirilir.
“Qorxu filmlərini sevirəm, amma həyatda yox”, - deyə Boi paylaşımında yazıb.
O, həyat yoldaşı, sabiq NBA basketbolçusu Danilo Qallinari dəstəyinə görə təşəkkür edib və zarafatla əlavə edib: “Bad Bunny”nin konsertini də qaçırdım”.
Cütlük hazırda Mayamidə yaşayır. Danilo Qallinari Puerto-Riko təmsilçisi “Vaqueros de Bayamón” klubunda çıxış edir.
