“Biz planlaşdırırıq ki, ölkə daxilində 40 minə qədər bütün ödənişlər məhz ani ödəniş sistemi vasitəsilə həyata keçirilsin”.
Bunu Mərkəzi Bankın sədri Taleh Kazımov AMB-nin faiz dəhlizinin parametrləri ilə bağlı qərarına həsr olunmuş mətbuat konfransında bildirib.
“Bu, sözsüz ki, əməliyyatın maya dəyərinin azalmasına səbəb olacaq. Böyük bir layihədir. Bundan başqa, oktyabrın sonuna kimi bütün banklar “Az-QR” standartına keçəcək. Bütün ödəniş nöqtələrində istehlakçılara QR-la ödənişlər təklif ediləcək.
Bu, kiçik və mikro sahibkarlar üçün böyük üstünlükdür. Həm onların, həm də bankların investisiyalarının xərcləri azalacaq.
Kiçik sahibkarlar və təsərrüfatlar üçün 500-600 dollar verib pos-terminal almaq kifayət qədər xərcləri artırırdı”, - deyə T.Kazımov bildirib.
.jpg)
