"Ən isti əlcəklər məndə idi".
Sportinfo.az xəbər verir ki, futbol üzrə Azərbaycan millisinin və "Qarabağ"ın qapıçısı Şahruddin Məhəmmədəliyev "PODKAT" layihəsində iştirak edərkən uşaqlıqda ilk dəfə qapıda dayanması ilə bağlı xatirəsini bu sözlərlə izah edib.
Bu hadisə onun 10 yaşı olanda Dağıstanda baş verib. Qapıçı əvvəlcə cinah yarımmüdafiəçisi kimi oynadığını bildirib.
Lakin bir epizodda komandaya qapıçı lazım olub və məşqçi onu sırf əlcəklərinin daha isti olduğuna görə qapıya keçməyə çağırıb. Məhz bu təsadüfi qərarla tanınmış qolkiperin peşəkar karyerası başlayıb.
Məhəmmədəliyev Azərbaycanı tərk edib bir mövsüm Türkiyədə oynaması ilə bağlı da danışıb:
"Artıq öhdəsindən gələ bilmirdim. Mən emosiyalarla oynayıram və bu mənim üçün çox çətin idi".
Bu gedişin səbəblərindən biri Çempionlar Liqasının təsnifat mərhələsində Polşanın "Rakov" komandasına məğlubiyyət idi. O vaxt beynəlxalq oyunlarda buraxdığı səhvlərə görə ciddi tənqidlərə məruz qalmışdı.
.jpg)
