Vaşinqtonda sərnişin təyyarəsi ilə hərbi helikopter toqquşub.
Ümumilikdə təyyarənin göyərtəsində 64 nəfər olub, onlardan dördü ekipaj üzvüdür. Helikopterdə isə 3 hərbçinin olduğu məlumdur. Hazırda axtarış-xilasetmə işləri davam etdirilir.
Sportinfo.az “RBK” portalına istinadən xəbər verir ki, təyyarənin göyərtəsində 1994-cü ildə fiqurlu konkisürmə üzrə dünya çempionları, Rusiya milli komandasının üzvləri Yevgeniya Şişkova və Vadim Naumov da olublar.
Onların taleyi barədə hələ məlumat yoxdur.
İdmançılar fiqurlu konkisürmə üzrə ABŞ çempionatının keçirildiyi Uiçito şəhərindən gəlirlərmiş.
