"Qarabağ"ın Avropa Liqasındakı rəqibi "Bodo-Qlimt" Norveç çempionatında xal itirib.
Sportinfo.az xəbər verir ki, Kyetil Knutsenin komandası 25-ci turda səfərdə "Tromse"nin qonağı olub.
90 dəqiqə ərzində qapılara qol vurulmayıb. Xal itkisinə baxmayaraq "Bodo-Qlimt" 54 xalla turnir cədvəlinə başçılıq edir. Komanda ən yaxın izləyicisini 8 xal qabaqlayır.
Avropa Liqasının 4-cü turunda baş tutacaq "Bodo-Qlimt" - "Qarabağ" matçı noyabrın 7-də Norveçdə keçiriləcək.
