Rövnəq Abdullayev dəstək vəd verdi – Bu klub Premyer Liqada oynayarsa…

2 İyun 2023 13:00 Hadisə 2 503
Rövnəq Abdullayev dəstək vəd verdi – Bu klub Premyer Liqada oynayarsa…

AFFA prezidenti Rövnəq Abdullayev Naxçıvan Futbol Federasiyası (NFF) ilə görüşmələr keçirib.

Burada bölgənin futbol həyatına və «Araz Naxçıvan»a aid bir çox məsələlər müzakirə olunub.

Abdullayev AFFA-nın NFF-na hərtərəfli dəstəyini vəd edib.

AFFA-nın birinci şəxsi bildirib ki, rəhbərlik etdiyi qurum Muxtar Respublikada bu idman növünün inkişafında maraqlıdır və istər maddi, istərsə də texniki cəhətdən köməklik göstərməyə hazırdır.

O deyib ki, «Araz Naxçıvan» Premyer Liqada oynayarsa, Premyer Liqa klublarının regiona səfərləri problemsiz gerçəkləşəcək.

Naxçıvana gələcək komandalar aeroportun VİP zalından istifadə eləyəcək. Bilet və otel xərclərinin qarşılanmasında da AFFA yardımını əsirgəməyəcək.

SPORTİNFO.AZ

Digər Xəbərlər
Xəbər Lenti