Doğma stadionunda gedən təmir işləri ilə əlaqədar olaraq təlim-məşq toplanışının ilk 2 mərhələsini Bakıda həyata keçirən “Turan Tovuz” Tovuza qayıdıb.
Ayxan Abbasovun çalışdırdığı komanda dünən Tovuzda ilk məşqinə çıxıb.
Burada azarkeşlərin də hazırlıq prosesini izləməsinə şərait yaradılıb. Təbii, onlar da stadiona əliboş gəlməyib.
Fanatlar “Turan”ın 9 illik fasilədən sonra Premyer Liqaya qayıtması münasibətilə futbolçuların ayaqları altında qurban kəsib.
Trubunaya topalaşan yüzlərlə tərəfdar arenanı bayram yerinə döndərib. A.Abbasova böyük dəstək nümayiş etdirən azarkeşlər müxtəlif şüarlar səsləndirib, rəngli fişənglər yandırıblar.
SPORTİNFO.AZ
