“Çelsi”nin futbolçusu Jorjino Çempionlar Liqasının finalından əvvəl klubun düşərgəsində yaşanan hadisə barədə danışıb.
Sportinfo.az xəbər verir ki, Jorjino baş məşqçi Tomas Tuxelin kiçik sirrini açıb:
“Kimsə Tuxelə ayaqqabı bağışlamışdı və demişdi ki, bunu Çempionlar Liqasının finalında geyinsin. Tuxel isə ayaqqabını xoşlamırdı. Amma bizə bildirdi ki, söz verdiyi üçün geyinəcək.
O, təxminən belə dedi: “Bilmirəm ki, məni bu ayaqqabıda neçə milyon insan görəcək. Amma ola bilsin ki, bu ayaqqabı düşərli olacaq və biz qalib gələcəyik”.
Biz o ayaqqabılara görə onunla xeyli zarafatlaşdıq. Amma Tuxel bundan incimədi. O, bizim zarafatlarımızı xoşlayır”.
.jpg)
