"Kəpəz" növbəti transfer əməliyyatını bitirib.
4 illik aradan sonra Premyer Liqaya qayıdan Gəncə klubu Fərid Nəbiyevlə münasibətlərini rəsmiləşdirib.
Beş illik Çexiya karyerasını başa vuran yarımmüdafiəçi qərb təmsilçisi ilə birillik müqavilə imzalayıb.
"Viktoriya Jijkov"un II Liqaya düşməsi səbəbindən planları dəyişən gənclər yığmasının sabiq üzvü "Kəpəz"ə azad agent statusu ilə keçib.
"Qəbələ" də yetirməsini geri qaytarmağa təşəbbüs göstərib. Gəl ki, o, daha çox oyun praktikası qazanmaq üçün "Kəpəz"in təklifini dəyərləndirib.
SPORTİNFO.AZ