.jpg)
AFFA-nın Təhsil və Reabilitasiya Mərkəzində məşqçilər üçün UEFA B kateqoriyalı məşqçi kursunun I mərhələsi keçirilir.
Sportinfo.az qurumun saytına istinadən xəbər verir ki, avqustun 15-dək davam edəcək məşğələlərə təlimatçılar Aslan Kərimov, Arif Əsədov və Osman Rəhimov rəhbərlik edirlər.
Məşqçi kursunun II mərhələsi 9-12 sentyabr, III mərhələsi 30 sentyabr – 3 oktyabr, IV mərhələsi (imtahan həftəsi) 4-8 noyabr tarixlərində keçiriləcək.
Məşğələlərdə iştirak edənlər arasında Azərbaycanın tanınmış futbolçuları - "Qəbələ"nin kapitanı Asif Məmmədov, eləcə də, bu yaxınlarda karyeralarını başa vuran Maksim Medvedev və Ağabala Ramazanov da var.
