Azərbaycan 4 qat Avropa, 3 qat dünya çempionu güləşçisi Hacı Əliyev fevralda Rumıniyanın paytaxtı Buxarestə keçiriləcək Avropa çempionatına yollanmayacaq.
Sportinfo.az xəbər verir ki, bu barədə “qafqazinfo”ya idmançının özü məlumat verib.
O bildirib ki, buna səbəb çəki salmaq istəməmisidir:
“Avropa çempionatında 65 kq-da güləşməyəcəyim üçün çəki salmalıyam. Buna görə də qatılmayacam.
Hər yarışda çəki salmaq olmaz. Gücümü Olimpiadaya saxlamaq istəyirəm. Əsas hədəfim Parisdə medal qazanmaqdır”.
Paris Olimpiya Oyunları 26 iyul – 11 avqust tarixlərində keçiriləcək.