.jpg)
“Yaxşı formadayam və dünya çempionatına hazıram. Son Avropa çempionu olduğum vaxtdakı formadan daha yaxşı vəziyyətdəyəm”.
Sportinfo.az xəbər verir ki, bunu Azərbaycan güləş millisinin üzvü Hacı Əliyev deyib.
O, 16-24 sentyabrda Serbiyanın paytaxtı Belqradda keçiriləcək dünya çempionatından danışıb:
“Hədəflərim yüksəkdir. Həm dünya çempionu olmaq, həm də Olimpiadaya lisenziya qazanmaq istəyirəm.
Keçən dünya çempionatından bir az əsəbim var. Bəzi rəqiblərin qələbədən sonra etdiyi hərəkətlər məni qıcıqlandırmışdı. Onların dərsini vermək vaxtıdır”.
Təcrübəli güləşçi Qazaxıstanın paytaxtı Astanada keçirilmiş DÇ-də olan haqsızlıqlardan da söz açıb:
“Hakimlərin haqsızlıqları zaman-zaman olur. Azərbaycana qarşı bunu bir neçə dəfə ediblər.
Astanada mənə olan haqsızlıqları unutmuşam. Onu beynimdə saxlasam, mənə problem yaradar”.
.jpg)
.jpg)
