Eldəniz Əzizli Macarıstanda Avropa çempionu olmaqla Azərbaycan Yunan-Roma güləşi tarixində rekorda imza atıb.
Sportinfo.az xəbər verir ki, 55 kq-da çıxış edən pəhləvan güləşin klassik növündə böyüklər arasında ən çox AÇ medalı olan idmançımız olub.
Onun hesabında 6 AÇ medalı var. Əzizli 2018-ci ildə Kaspiyskdə və 2022-ci ildə Budapeştdə qitənin ən güclüsü adını qazanıb,
2011-ci ildə Dortmundda, 2019-cu ildə Buxarestdə, 2020-ci ildə Romada və 2021-ci ildə Varşavada fəxri kürsünün üçüncü pilləsinə yüksəlib.