Güləş üzrə U-23 millimizin qadın üzvü Elnurə Məmmədova Avropa çempionatında etdiyi "feyr-pley" nümunəsi diqqət çəkib.
Sportinfo.az xəbər verir ki, o, 1/4 finalda zədə alan slovakiyalı rəqibi Mariya Martinçuku döşəkdən kənara çiynində çıxarıb.
E.Məmmədova sözügedən rəqibinə 10:3 hesabı ilə qalib gəlib. Güləşçimiz yarımfinalda isə Mixaela Samoilə (Moldova) də heç bir şans tanımayıb - 11:4.
Beləliklə, finala yüksələn Məmmədova bu gün Andrea Beatriçe Ana (Rumıniya) ilə həlledici qarşılaşmaya çıxacaq.
