.jpg)
"Final görüşünün əhəmiyyətini və önəmini başa düşürdük".
Sportinfo.az xəbər verir ki, bunu "Azərreyl"in voleybolçusu Qonsales San Martin Pedro Azərbaycan çempionatının finalında "Az Murov Terminal"a 3:2 hesabı ilə qalib gəldikləri matçla bağlı danışarkən deyib.
Kubalı oyunçu qarşılaşmanın çox həyəcanlı keçdiyini söyləyib:
"2-3-cü setdə bizim üçün çətin məqamlar oldu. Amma mövsüm ərzində hər zaman sonadək oynamışıq.
Yenə sonadək mübarizə apardıq və matçı yüksək notlarla tamamladıq".
Pedro karyerası ilə bağlı hələlik qərar vermədiyini vurğulayıb:
"Karyeramı harada davam etdirəcəyimi həyat göstərəcək. Hər zaman çalışmışam ki, çıxış etdiyim çempionatda ən yaxşı oyunumu göstərim".
