Azərbaycan yığması yenə də Ukraynaya uduzdu

19 Dekabr 2021 22:40 Futzal 618
Azərbaycan yığması yenə də Ukraynaya uduzdu

Bu gün futzal üzrə Azərbaycan və Ukrayna komandaları arasında növbəti yoxlama oyunu keçirilib.

Sportinfo.az xəbər verir ki, bu görüş də FHN-in İdman-sağlamlıq mərkəzində baş tutub.

Azarkeşlər üçün qapalı olan qarşılaşma yığmamızın növbəti məğlubiyyəti ilə başa çatıb. Komandamız bu dəfə 1:5 hesabıyla uduzub. Millimizin yeganə qoluna Qalo imza atıb.

Xatırladaq ki, bu komandalar arasında ötən gün baş tutan ilk görüşdə Ukrayna yığması 4:0 hesablı qələbəyə sevinmişdi.

19 dekabr

Azərbaycan – Ukrayna 1:5
Qol
: Qalo, 19:40 – Petro Şoturma, 5:39. Qalo, 22:11-öz qapısına. Daniel Abakşin, 23:55. İqor Korsun, 31:55. Aleksandr Suxov, 39:00.
Hakimlər: Hikmət Qafarlı, Əli Cəbrayılov, Knyaz Əmiraslanov.
Hakim-inspektor: Azər Əsgərov.
Timekeeper: Rza Məmmədov.
Bakı. FHN-in İdman-sağlamlıq mərkəzi. Saat 18:00.

Xəbər Lenti