Bu klubun futbolçusu azarkeşin benzin pulunu ödədi

20 Yanvar 16:13 Fransa 844
Bu klubun futbolçusu azarkeşin benzin pulunu ödədi

"Monako"nun futbolçusu Vissam Ben Yedder səmimi davranışı ilə diqqət çəkib.

Sportinfo.az xəbər verir ki, fransalı hücumçu yanacaqdoldurma məntəqəsində olarkən klubun azarkeşinin benzin pulunu ödəyib.

Avtomobilinə benzin doldurduqdan sonra ödəniş əməliyyatını həyata keçirərkən bank kartı ilə problem yaşayan "Monako" klubunun fanatının köməyinə 29 yaşlı futbolçu gəlib.

Fransa millisinin üzvü azarkeşin borcunu ödəməklə yanaşı, onunla şəkil də çəkdirib.

Cari mövsüm Fransa çempionatında 21 oyun keçirən Ben Yedder 14 qol vurub və 2 məhsuldar ötürmə verib.

Xəbər Lenti
20 Sentyabr 23:40 De Byazi "Zirə" - FOTO
20 Sentyabr 16:20 Ağayev Rumıniyada - FOTO