Miron Markeviç Ukrayna millisinin baş məşqçisi vəzifəsinə əsas namizəd hesab olunur.
Sportinfo.az “UA Football”-a istinadən xəbər verir ki, yaxın gələcəkdə milli komandanın yeni baş məşqçisi ilə bağlı qərar verilə bilər və 75 yaşlı mütəxəssis hazırda ən yaxşı seçimdir.
Ancaq Ukrayna Futbol Assosiasiyasının rəhbəri Andrey Şevçenko hələlik Sergey Rebrovun yerinə bu seçimdən tam əmin deyil. Lakin ona yaxın olanlar Markeviçin hazırda mövcud olan ən uyğun namizəd olduğuna inanırlar.
Əvvəllər Andrea Maldera və İqor Yoviçeviçin də namizədlər arasında olduğu bildirilirdi.
Aprelin 22-də Ukrayna Futbol Assosiasiyası Rebrovun milli komandanın baş məşqçisi vəzifəsindən istefa verdiyini elan edib.
Markeviç daha əvvəl – 2010-cu ildə Ukrayna millisinə rəhbərlik edib və həmin dövrdə komandanı 4 oyun çıxarıb.
Onun son iş yeri “Karpatı” (Lvov) olub və ukraynalı mütəxəssis bu klubdan 2024-cü ilin iyulunda ayrılıb.
