“Barselona”dakı çıxışı ilə tanınan Rafael Markes DÇ-2026-dan sonra rəsmi olaraq Meksika milli komandasının baş məşqçisi olacaq.
Sportinfo.az xəbər verir ki, bu barədə Meksika Futbol Federasiyasının prezidenti İvan Sisnieqa məlumat verib:
“Rafael Markesin müqaviləsinə əsasən, o, dünya çempionatından sonra milli komandanın baş məşqçisi olacaq və Xavyer Aqirreni əvəz edəcək”.
Markes 2024-cü ildən Meksika yığmasının məşqçisi kimi çalışırdı və indi rəsmi olaraq irəliləyiş əldə edib.
DÇ-2026 Meksika üçün ev mundialı sayılır – yarış bu ölkə ilə yanaşı, Kanada və ABŞ-da keçiriləcək.
Markes futbolçu kimi beş dünya çempionatında iştirak edib. O, bu rekordu Lionel Messi və Kriştiano Ronaldo da daxil olmaqla bir neçə futbolçu ilə bölüşür.
