“İnter Mayami”nin yarımmüdafiəçisi Serxio Buskets PSJ-nin vingeri Osman Dembelenin “qızıl top”u qazanacağına ümid etdiyini bildirib.
Komanda.az xarici KİV-ə istinadən xəbər verir ki, o, eyni zamanda, “Barselona”da da bu mükafata layiq oyunçuların olduğunu söyləyib:
“PSJ-də Dembele üçün hər şeyin yaxşı getdiyinə görə çox şadam.
Mən “Barselona”nın Çempionlar Liqasını qazanmasını istərdim, amma bu baş vermədiyi üçün hazırda PSJ-də olan məşqçilər və keçmiş komanda yoldaşlarım üçün sevinirəm.
Onları yenidən Klublararası dünya çempionatında görmək xoş idi. Osman əla mövsüm keçirdi.
O, əvvəlki illərdən xeyli yaxşı oynadı. Dembele daha ardıcıl idi.
Onun necə futbolçu olduğunu, hansı rolu oynadığını və nəyə qadir olduğunu bilirik. Ümid edirəm ki, o, “qızıl top”u qazanar.
“Barselona”da da buna layiq oyunçular olduğu aydındır, amma onların kimə səs verəcəklərini bilmirəm”.
Dembele 2024/25 mövsümündə Liqa 1-də 29 matçda 21 qol vurub və 6 məhsuldar ötürmə edib. O, PSJ ilə Fransa çempionluğunu qazanıb, Çempionlar Liqası və Fransa kubokunun qalibi olub.
