“Şaxtyor”un və Ukrayna millisinin yarımmüdafiəçisi Georgi Sudakovun adı hələ də “Benfika”nın transfer siyahısında qalır.
Sportinfo.az xarici KİV-ə istinadən xəbər verir ki, tərəflər arasında danışıqların yeni mərhələsi aparılıb və müəyyən irəliləyiş əldə olunub.
Portuqaliya klubu 22 yaşlı futbolçu üçün 25 milyon avro təklif edib. Bonuslarla birlikdə bu rəqəm 27 milyon avroya qədər arta bilər.
Transfer baş tutarsa, Sudakov “Benfika”da çıxış edən ikinci ukraynalı olacaq. Hazırda komandanın qapısını qoruyan Anatoli Trubin də ukraynalıdır.
Sudakov ötən mövsüm “Şaxtyor”un heyətində 37 oyuna çıxıb, 15 qol və 6 məhsuldar ötürmə ilə yadda qalıb.
