.jpg)
“Əl-İttihad”ın yarımmüdafiəçisi Nqolo Kante yay transfer pəncərəsində klubunu dəyişə bilər.
Sportinfo.az xəbər verir ki, bu barədə “Foot Mercato” məlumat yayıb.
Səudiyyə Ərəbistanı təmsilçisinin rəhbərliyi 34 yaşlı futbolçuya yeni komanda axtarmaq üçün icazə verib.
Fransalı yarımmüdafiəçinin agentləri artıq “Monako” və PSJ ilə yanaşı, Səudiyyə Ərəbistanının “Əl-Qadisiya” klubuna da oyunçunu təklif ediblər.
Kante ötən mövsüm “Əl-İttihad”ın heyətində 35 oyuna çıxıb, 4 qol və eyni sayda məhsuldar ötürmə ilə yadda qalıb.
