Çempionlar Liqasının qrup mərhələsinə dünən keçirilən 8 qarşılaşma ilə yekun vuruldu.
Sportinfo.az xəbər verir ki, bir nömrəli klub yarışında bu dəfə heç vaxt olmamış bir fakt qeydə alındı.
Yarışın tarixi ərzində ilk dəfə oldu ki, 1/8 finala vəsiqə qazanan klubların hamısı "Böyük beşlik" (İngiltərə, İspaniya, İtaliya, Almaniya, Fransa) ölkələrinin çempionatlarını təmsil edir.
"Liverpul", "Mançester Siti", "Tottenhem", "Çelsi" - İngiltərə, "Barselona", "Real", "Atletiko", "Valensiya" - İspaniya, "Yuventus", "Napoli", "Atalanta" - İtaliya, "Bavariya", "Borussiya" D., "Leypsiq" - Almaniya, PSJ, "Lion" - Fransa.
