Azərbaycanın 2 bokçusu Çexiyada Usti-nad-Labem Qran-prisində yarımfinala vəsiqə əldə edib.
Sportinfo.az xəbər verir ki, Vaqif Şirinovun rəhbərlik etdiyi kollektivdə olimpiya mükafatçısı Lorentso Sotomayor (69 kq) və Alfonso Dominges (81 kq) yarımfinalda iştirak hüququ qazanıblar.
Onlar müvafiq olaraq, avstriyalı Marsel Rumpler və türkiyəli Bayram Malkandan güclü olublar. Onlar ən azı bürünc medalı təmin ediblər.
Digər boksçular Elvin Məmişzadə (52 kq) macarıstanlı Martin Virbana, Sərxan Əliyev (63 kq) isə braziliyalı Vanders Oliveyraya məğlub olub.
Yarışda bu gün yarımfinal, sabah final döyüşləri olacaq.
