"Nürnberq"in baş məqşçisi Miroslav Kloze Mahir Emrelinin məşqdə komanda yoldaşına kobudluq etməsi ilə bağlı iddalara münasibət bildirib.
Sportinfo.az xəbər verir ki, yerli jurnalistlərin suallarını cavablandıran mütəxəssis yazılanları təkzib edib.
Kloze yaşananlar haqqında bunları söyləyib:
"Mən məşq meydanında idim. Belə hadisə olmayıb. O, ikili mübarizələrdə aqressiv idi.
Lakin bunu ondan biz istəmişik. Mahir idman zalında fərdi çalışmalı olduğu üçün məşqi erkən tərk etmişdi".
Mahir Emreli ötən ilin yayında II Bundesliqa klubuna keçib.
