Türkdilli ölkələr arasında ilk dəfə olaraq futbol üzrə "Turan Kuboku" turniri keçiriləcək.
Sportinfo.az xəbər verir ki, bu barədə "Inbusiness.kz" məlumat yayıb.
2025-ci il martın 20-də keçirilməsi nəzərdə tutulan bu yarış türk dünyasının birliyini gücləndirmək məqsədi ilə keçiriləcək.
Turnirdə Türkiyə, Qazaxıstan, Özbəkistan, Azərbaycan, Qırğızıstan, Türkmənistan və digər türkdilli ölkələrin klubları iştirak edəcək. Yarışı Türkiyə Futbol Federasiyası təşkil edəcək.
Turnir bu il uşaqlar arasında keçiriləcək. Müsabiqənin ilk variantı Türkiyədə keçiriləcək və daha sonra digər ölkələrə ötürüləcək. Bildirilib ki, müsabiqənin keçirilmə yeri və iştirakçı komandalar haqqında əlavə məlumat tezliklə açıqlanacaq.
