Beynəlxalq dərəcəli hakim-inspektor Asim Xudiyev UEFA-dan yeni təyinat alıb.
Sportinfo.az xəbər verir ki, o, Qazaxıstanın "Kayrat" və Serbiyanın "Srvena Zvezda" klubları arasında UEFA Çempionlar Liqasının II təsnifat mərhələsinin ilk oyununun hakim-inspektoru olacaq.
Görüş iyulun 21-də Almatı şəhərindəki Mərkəzi stadionda keçiriləcək.
Bu, Xudiyevin son 1 həftədə "Kayrat"ın matçına ikinci təyinatıdır. O, iyulun 14-də Almatı təmsilçisinin İsrailin "Makkabi" (Hayfa) klubuna qarşı I təsnifat mərhələsinin cavab oyununda da eyni funksiyanı yerinə yetirib.