.jpg)
“Sərhədçi” İdman Mərkəzində basketbol üzrə Azərbaycan kubokunun yarımfinal oyunları keçirilib.
Sportinfo.az xəbər verir ki, ilk yarımfinal oyununda “Gəncə” və “Neftçi” üz-üzə gəlib.
Yerli oyunçularının dominant oyunu sayəsində “Gəncə” rəqibi üzərində 83:73 hesablı qələbə qazanaraq ilk finalçı olub.
Ən məhsuldar basketbolçular “Gəncə”dən Amil Həmzəyev (26 xal, 6 ribaund), “Neftçi”dən isə Yuri Kondrakov (18 xal, 10 ribaund) olublar.
İkinci yarımfinal qarşılaşması NTD və “AAAF Xırdalan” arasında baş tutub. Gərgin mübarizə şəratində davam edən oyunun sonunda NTD 91:84 hesablı qələbə qazanaraq adını finala yazdırıb.
Ən məhsuldar basketbolçular NTD-dən Londel Kinq (25 xal, 15 ribaund), “AAAF Xırdalan”dan isə Devin Pullum (23 xal, 5 asist) olub.
“Gəncə” və NTD arasındakı final oyunu martın 26-da keçiriləcək və 16:00-da başlayacaq.
