Başıbəlalı AVRO-2020-yə daha bir zərbə - Bu dəfə virusdan yox!

29 Aprel 10:24 AÇ-2020 287
Başıbəlalı AVRO-2020-yə daha bir zərbə  - Bu dəfə virusdan yox!

Kopenhagen 2020-ci ildə keçiriləcək Avropa çempionatının oyunlarına ev sahibliyi etməkdən imtina edə bilər. .

Sportinfo.az xəbər verir ki, Kopenhagen, koronavirus pandemiyasına görə 2021-ci ilə köçürülmüş Avropa çempionatında "C" qrupunun üç matçını qəbul etməlidir.

Lakin 2021-ci ilin iyulun əvvəlində Danimarkada məşhur "Tur de Frans" velosiped yarışının üç mərhələsi keçirilməlidir. Veloyürüş Kopenhagendə başlayacaq, ikinci mərhələsi Roskill və Nüborq arasında, üçüncüsü isə Vayle və Sennerborq şəhərləri arasında keçiriləcək.

Danimarka Futbol İttifaqının rəhbəri Yesper Meller ölkəsinin AVRO-2020 matçlarını qəbul edə biləcəyinə əmin olmadığını bildirib. "Avropa çempionatının oyunlarını qəbul edə bilib-bilməyəcəyimiz faktı bizi hələ də narahat edir.

Mənim fikrimcə, onların keçirilməsi ehtimalı əllinin əlliyədir. Bütün tərəflər müsbət əhval-ruhiyyədədirlər. Amma AVRO matçlarının keçiriləcəyinə əmin olmamışdan qabaq həll edilməli olan bəzi problemlər var", - deyə Meller bildirib.

Qeyd etmək lazımdır ki, AVRO-2020 üzrə oyunların təşkilatçısı olan şəhərlər aprelin 30-dək UEFA-ya qitə birinciliyinin oyunlarını keçirmək niyyətlərini təsdiq edərək göndərməlidirlər. Kopenhagen də Bakı kimi ötən həftə oyunları keçirmək niyyətilə bağlı bəyannamə göndərib.

Daha əvvəl bildirilirdi ki, İspaniya və İtaliya koronavirus pandemiyası qurbanlarının çox olması səbəbindən AVRO-2020 matçlarını keçirməkdən imtina edə bilərlər.

Kopenhagen AVRO-2020-nin qrup mərhələsinin oyunlarını, o cümlədən Danimarka və Rusiya yığmalarının görüşünü, həmçinin Avropa birinciliyinin 1/8 finalını da qəbul etməlidir

Xəbər Lenti
26 May 22:40 Qurbanov lazım deyil?