YENİ MƏQSƏD - planların müzakirəsi və konkretləşdirilməsi

11 Dekabr 2019 09:23 AÇ-2020 187
YENİ MƏQSƏD -  planların müzakirəsi və konkretləşdirilməsi

AVRO-2020-nin Bakıda keçiriləcək oyunları ilə əlaqədar fəaliyyət göstərən Əməliyyat Qrupunun üzvləri İsveçrənin Nyon şəhərində yerləşən UEFA-nın mənzil-qərargahında çempionata ev sahibliyi edəcək 12 şəhərin nümayəndələri üçün təşkil olunmuş seminarda iştirak edirlər.

Sportinfo.az AFFA-nın rəsmi saytına istinadən xəbər verir ki, Avropa çempionatının noyabrın 30-da Rumıniyanın paytaxtı Buxarestdə keçirilmiş püşkatma mərasimindən sonra hansı komandaların hansı şəhərlərdə çıxış edəcəyi müəyyənləşdiyi üçün seminarın məqsədi müxtəlif sahələr üzrə planların müzakirəsi və konkretləşdirilməsidir.

Bundan əlavə, dekabrın 11-12-də UEFA-nın mənzil-qərargahında AVRO-2020-nin oyunlarının keçiriləcəyi 12 stadionun nümayəndələri üçün seminar təşkil olunacaq. Tədbirdə Bakı Olimpiya Stadionunun rəhbərliyi və Əməliyyat Qrupunun nümayəndələri iştirak edəcək.

Qeyd edək ki, AVRO-2020-nin təqviminə əsasən, iyunun 13-də Bakı Olimpiya Stadionunda A qrupunun Uels - İsveçrə oyunu keçiriləcək. İyunun 17-də Türkiyə - Uels, iyunun 21-də isə İsveçrə - Türkiyə matçları Azərbaycan paytaxtında təşkil olunacaq.

Bundan başqa, iyulun 4-də 1/4 final mərhələsinin bir oyunu Bakıda gerçəkləşəcək. Uelslilər iyunun 21-də Romada İtaliya ilə qarşılaşacaqlar. AVRO-2020-nin açılış matçında İtaliya və Türkiyə milliləri Romadakı “Olimpiko” stadionunda üz-üzə gələcəklər.

Xəbər Lenti
18 Fevral 20:50 Avroliqa oyunlarında VAR
18 Fevral 18:46 Neymar PSJ-nin heyətində
18 Fevral 18:04 Prezident gəldi - FOTO
18 Fevral 16:12 Satmağı düşünmürlər
18 Fevral 09:30 "FC Baku"dan 5… FOTOLAR
18 Fevral 01:48 Pezidentliyə namizəd oldu
17 Fevral 23:10 PSJ Mbappeni kimə satır?