“Fənərbaxça”nın baş məşqçisi Joze Mourinyo Çempionlar Liqasından kənarlaşdırılmaları ilə bağlı fikirlərini bölüşüb.
Mourinyonun komandası dünən “Benfika”ya 0:1 hesabı ilə məğlub olub.
İki oyunun cəmində (ilk oyun – 0:0) üstün tərəf olan Portuqaliya təmsilçisi liqa mərhələsinə yüksəlib.
Sportinfo.az NTV-yə istinadən xəbər verir ki, portuqaliyalı mütəxəssis daha güclü tərəfin qalib gəldiyini bildirib:
“Düşünürəm ki, daha güclü tərəf qalib gəldi. Biz bir çox duellərdə məğlub olduq və onların ritmini qarşılamaq mümkün olmadı.
Çempionlar Liqasında olsaydıq, ehtimal ki, 8 oyun keçirməli olardıq. Ancaq UEFA Avropa Liqasında biz finala qədər irəliləyə bilərik”.
Avropa Liqasının əsas mərhələsinin püşkatma mərasimi avqustun 29-da keçiriləcək.
Hazırda “Fənərbaxça” ikinci səbətdə yer alır və “Seltik”, “Lion”, “Servena Zvezda”, “Ferentsvaroş” və “Viktoriya” (Plzen) ilə birlikdə liqa mərhələsində iştirak edəcək.
