.jpg)
UEFA "Qarabağ"ın Avropa Liqasındakı rəqiblərindən İsveç "Elfsborq"unu cərimələyib.
Sportinfo.az xəbər verir ki, bu barədə Avropa futbol qurumunun rəsmi saytında bildirilib.
Allsvenskan təmsilçisi "Roma"ya qalib gəldikləri (1:0) II turun matçında azarkeşlərin pirotexniki vasitələrdən istifadəsinə görə 50000 avro ziyana düşüb.
Klubun avrokuboklardakı ev oyunlarında qapı arxasındakı tribunaların qismən bağlanmasına da qərar verilib. "Elfsborq"a 2 illik sınaq müddəti də qoyulub.
"Qarabağ" turnirin Liqa mərhələsində dekabrın 11-də "Elfsborq"un qonağı olacaq.
