Avropa Liqasının 1/8 final mərhələsində "Qarabağ"la qarşılaşacaq "Bayer 04"ün Bakıda mətbuat konfransı və açıq məşqi olmayacaq.
Sportinfo.az xəbər verir ki, Leverkuzen klubunun baş məşqçisi Xabi Alonsonun mətbuat konfransı martın 6-da, Bakı vaxtı ilə saat 12:00 radələrində onlayn formatda keçiriləcək.
Axşam radələrində Bakıya çatacaq Almaniya təmsilçisi birbaşa hotelə yollanacaq və mətbuat nümayəndələri üçün nəzərdə tutulan açıq məşqə də çıxmayacaq.
Martın 7-də Tofiq Bəhramov adına Respublika stadionunda keçiriləcək “Qarabağ” - “Bayer 04” oyunu saat 21:45-də başlayacaq.
Komandalar arasında cavab görüşü martın 14-də Leverkuzendə təşkil ediləcək.