Avropa Liqasında yarımfinal mərhələsinə start verilib.
Sportinfo.az xəbər verir ki, turnirin favoritlərindən "Leyptsiq" evdə Şotlandiya "Reyncers"ini qəbul edib.
"Red Bull Arena"dakı görüşün taleyini 1 qol həll edib. 85-ci dəqiqədə fərqlənən Anxelinyo meydan sahiblərinə qələbə qazandırıb.
Gecənin digər qarşılaşmasında "Vest Hem" eyniadlı stadionda "Ayntraxt"ı sınağa çəkib. Oyun qonaqların 2:1 hesablı qələbəsi ilə başa çatıb.
İlk qolu 1-ci dəqiqədə Frankfurt təmsilçisindən Ansqar Knauff vurub. 21-ci dəqiqədə meydan sahiblərindən Maykl Antonio hesabı bərabərləşdirib. Son nöqtəni isə 54-cü dəqiqədə "Ayntraxt"dan Daiti Kamada qoyub.
28 aprel
"Leyptsiq" (Almaniya) - "Reyncers" (Şotlandiya) - 1:0
Qol: Anxelinyo, 85
Baş hakim: Benua Bastyen (Fransa)
Leyptsiq, "Red Bull Arena"
"Vest Hem" (İngiltərə) - "Ayntraxt" (Almaniya) - 1:2
Qollar: Maykl Antonio, 21 - Ansqar Knauff, 1. Daiti Kamada, 54
Baş hakim: Sərdar Gözüböyük (Niderland)
London, "Vest Hem" stadionu