Avropa Liqasından uzaqlaşdırılan “Spartak” “Leypziq”in baş məşqçisinə uğurlar arzulayıb.
Sportinfo.az xəbər verir ki, Moskva klubu turnirdən uzaqlaşdırılsa da, rəsmi tvitter səhifəsində Almaniya klubunun çalışdırıcısı Domeniko Tedesko haqda bunları yazıb:
“Sabiq baş məşqçimiz Domeniko Tedeskoya Avropa Liqasında uğurlar arzulayırıq. Ümid edirik ki, gələcəkdə yollarımız yenidən kəsişəcək. Amma daha dinc şəraitdə”.
"Spartak” Avropa Liqasının 1/8 final mərhələsində “Leypziq”lə qarşılaşmalı idi. Amma Rusiyanın Ukraynaya qarşı təcavüzünə görə UEFA bu ölkənin bütün komandalarını turnirlərdən uzaqlaşdırıb.