UEFA Konfrans Liqasının qrup mərhələsinin III turunda daha 6 oyun keçirilib.
Sportinfo.az xəbər verir ki, D qrupunda "Fənərbağça" evdə Belçika "Antverpeni" ilə 2:2 hesablı heç-heçə edib.
Görüşdə ilk qolu 3-cü dəqiqədə qonaqların hücumçusu Mbavana Samatta vurub. 21 və 45-ci dəqiqələrdə fərqlənən Enner Valensiya İstanbul təmsilçisini önə keçirib. Matçda son nöqtəni isə 62-ci dəqiqədə Piter Gerkens qoyub.