Dünən AFFA qurumun prezidentliyinə və İcraiyyə Komitəsinə namizədlərin adlarını açıqlayıb.
Nizamnamənin 34-cü maddəsinin tələblərinə uyğun olaraq, AFFA-nın 2024-cü il aprelin 2-də keçiriləcək növbəti Hesabat-Seçki Konfransında AFFA prezidenti və İcraiyyə Komitəsinin üzvləri seçiləcək.
Nizamnamənin 34-cü maddəsinin 4-cü bəndinə əsasən, İcraiyyə Komitəsinə namizədlər AFFA üzvləri tərəfindən yalnız birbaşa üzvlər vasitəsilə Hesabat-Seçki Konfransının keçirilmə tarixindən ən azı 10 gün əvvəl təklif olunmalıdır.
Qeyd olunmuş müddət başa çatıb.
AFFA prezidentliyi və İcraiyyə Komitəsinin üzvlüyünə namizədliyi irəli sürülmüş şəxslərin siyahısını belədir:
AFFA prezidentliyinə namizəd
1. Rövşən Nəcəf - Peşəkar Futbol Liqası İctimai Birliyi vasitəsi ilə "Neftçi" PFK tərəfindən
AFFA İcraiyyə Komitəsi üzvlüyünə namizədlər
Peşəkar Futbol Liqası İctimai Birliyi – 5 yer
1. Səməd Qurbanov - "Neftçi" PFK tərəfindən
2. Fərid Mansurov - Peşəkar Futbol Liqası İctimai Birliyi tərəfindən
3. Xəyal Cəfərov - "Sumqayıt" FK tərəfindən
4. Qurban Qurbanov – "Qarabağ" FK tərəfindən
5. Maqsud Adıgözəlov – "Sabah" FK tərəfindən
Regional Futbol Federasiyaları İctimai Birliyi – 3 yer
1. Elşad Nəsirov – Qərb Regional Futbol Federasiyası İctimai Birliyi tərəfindən
2. Balakişi Qasımov – Şimal Regional Futbol Federasiyası İctimai Birliyi tərəfindən
3. Sərxan Hacıyev – Regional Futbol Federasiyası İctimai Birliyi tərəfindən
İctimai Futbol Təşkilatları İctimai Birliyi – 2 yer
1. Könül Mehtiyeva – İctimai Futbol Təşkilatları İctimai Birliyi tərəfindən
2. Zaur Axundov – Ümumazərbaycan Futbolsevərlərin İctimai Birliyi tərəfindən
Sahə Futbol Federasiyaları İctimai Birliyi – 2 yer
1. Ülvi Mansurov - Azərbaycan Futzal Federasiyası tərəfindən
2. Leyla Xəlilova - Azərbaycan Tələbə Futbol Federasiyası tərəfindən
Yeni siyahıda adı qeyd edilən Zaur Axundov Azərbaycan Futzal Federasiyasının (AFF) prezidenti deyil. Mediada bununla bağlı anlaşılmazlıq yaranıb. Sırf ad-soyada görə.
AFF-nın başqanının adaşı futbol camiəsinə tanış biridir. O, uzun illər AZAL PFK-nin sponsoru olub.
“Silk Way Holding” MMC-nin prezidenti kimi 2006-2016-cı illərdə Şüvəlan klubunun maliyyələşdirilməsi prosesində birbaşa iştirak edib.
Axundov AZAL PFK-nın fəaliyyətini dayandırmasından sonra da bu sektorla bağlantılarını qoparmayıb. Səkkiz ilə yaxındır “Zirə“nin sponsorları sırasında yer almaqdadır.
SPORTİNFO.AZ