"İnşallah, bunun bəhrəsini II dövrədə görəcəyik" - SƏMƏDOV

27 Yanvar 13:42 I Divizion 401
"İnşallah, bunun bəhrəsini II dövrədə görəcəyik" - SƏMƏDOV

Divizion təmsilçisi “Kəpəz” çempionatın II dövrəsinə hazırlığı Bakıda davam etdirir.

Sportinfo.az xəbər verir ki, Gəncə klubu paytaxtda məşq etməklə yanaşı, yoxlama oyunları da keçirir. Toplanış barədə “sarı-göylər”in kapitanı Əli Səmədov klubun mətbuat xidmətinə fikirlərini bölüşüb:

“Təlim prosesi nəzərdə tutulduğu formada davam edir. Səylə məşq edib, oyunlara hazırlaşırıq. Gəncədəki təlim-məşq toplanışı ağır keçmişdi. Çünki gündə iki dəfə hazırlıq keçirdik. Gərgin məşqlərin fonunda “Turan Tovuz” ilə yoxlama matçına da çıxdıq. Pis oynamadıq.

Ümumilikdə uşaqlar həvəslə məşq edir və hazırlıq prosesi normal qaydasında gedir. Hər şey yaxşıdır. İnşallah, bunun bəhrəsini II dövrədə görəcəyik. Bakı toplanışını yekunlaşdırdıqdan sonra Gəncədə sırf çempionatın təqvim oyununa hazırlaşacağıq, qarşıdakı görüşlərə köklənəcəyik. Komandada dəyişikliklər də var, yeni futbolçular cəlb olunub. Yaxşı oyunçular heyətimizə qoşulub. Onlara kollektivə uyğunlaşmaq üçün bir az vaxt lazımdır. Uşaqlar özlərini yaxşı tərəfdən göstərməyə çalışırlar. Tam adaptasiya olmasalar da, istəklidirlər. Oynamaq, mübarizə aparmaq istəyirlər. Bu, sevindirici haldır. Düşünürəm ki, bizə xeyirləri dəyəcək”.

Xəbər Lenti
23 Fevral 18:40 Millimizi 0:7 uddular
23 Fevral 14:20 Hazard yenə zədələndi
22 Fevral 23:50 Runinin 500-cü oyunu
22 Fevral 19:19 "Mən bundan qorxurdum"