“Mən onu çoxdan tanıyıram”.
Bu sözləri Sportinfo.az-a açıqlamasında “Zirə”nin müdafiəçisi Ange Mutsinzi deyib.
Oktyabrın 10-da onun formasını geyindiyi Ruanda millisi dünya çempionatına vəsiqə qazanmaq uğrunda matçda Benin ilə üz-üzə gəlib.
Həmin oyunda rəqib komandanın heyətində “Neftçi”dən tanıdığımız yarımmüdafiəçi Sessi D’Almeyda çıxış edirdi.
“Qartallar”ım legioneri həmin oyunu necə xatırlayır? Eşidək:
“Onunla Afrikanın müxtəlif turnirlərində bir neçə dəfə üz-üzə gəlmişik. Bəlkə də 6-7 dəfə.
Düzdür, xüsusi tanışlığımız yoxdur. Üz-üzə gələndə görüşürük, hal-əhval tuturuq, başqa heç nə.
O ki qaldı oyuna, dünya çempionatının final mərhələsində mübarizə aparmaq arzumuz var idi. Seçmə mərhələyə pis başlamamışdıq.
Lakin son 3 görüşdə nəticələr istədiyimiz kimi olmadı. Həqiqətən çox üzüldük”.
