Bu adı eşidib, “bizim üçün çətin olacaq” deyən kimdir?

30 Avqust 17:20 Zirə 283
Bu adı eşidib, “bizim üçün çətin olacaq” deyən kimdir?

“İnanın ki, Premyer Liqada asan məğlub edə biləcəyin rəqib yoxdur.

Hər birinin özünəməxsus özəllikləri var”.

“Zirə”nin ruandalı müdafiəçisi Anje Mutsinzi Sportinfo.az-a qarşıdakı oyunla bağlı açıqlama verib.

İki turdan sonra aktivinə 4 xal yazdıran “qartallar”şənbə günü “Kəpəz”i qəbul edəcək.

Həmin “Kəpəz” ki, çempionata ardıcıl iki məğlubiyyətlə başlayıb və artıq yenilgi limiti dolub.

28 yaşlı afrikalı legioner bu faktın onlara çətinlik yaradacağını gizlətməyib:

“Qəbələ”ylə oyunumuzu gördünüz. Bu komanda ötən mövsüm I Liqada mübarizə aparırdı.

Lakin bizə qarşı başa-baş futbol oynadılar, xarakter göstərdilər. “Kəpəz” də meydana qalib gəlmək, ən pis halda xal qazanmaq üçün çıxacaq.

Əvvəlki görüşlərdə məğlub olması onları daha aqressiv olmağa, daha çox mübarizə aparmağa məcbur edəcək. Bizim üçün çətin olacaq.

İstənilən halda 3 xal üçün oynayacağıq. Ancaq dediyim kimi, bu, heç də asan başa gəlməyəcək”.

Avqustun 30-da Zirə İdman Kompleksinin stadionunda keçiriləcək görüş saat 18:30-da başlayacaq.

HƏBİB

Digər Xəbərlər
Xəbər Lenti
30 Avqust 18:10 Çək və bizə göndər!
30 Avqust 01:00 1:1 kifayətdir? - VİDEO