Azərbaycanı “Challenge Cup”da təmsil edəcək kişilərdən ibarət “Xilasedici" voleybol klubunun potensial rəqibi müəyyənləşib.
Sportinfo.az xəbər verir ki, Lüksemburqda baş tutan püşkatma mərasimində təmsilçimizin Balkan Kubokunun qalibi olacaq komanda ilə üz-üzə gələcəyi bəlli olub.
Avrokuboklarda debüt edəcək “Xilasedici” mübarizəyə 1/32 finaldan start verəcək. Komandaların birinci oyunu noyabrın 11-13-nə, cavab matçı bir həftə sonraya təsadüf edəcək.
