"Ayaks" "Qalatasaray"dan icarəyə götürdüyü Rayan Babellə bağlı qərar verib.
Sportinfo.az xəbər verir ki, 33 yaşlı vinger İstanbul təmsilçisinə qayıdacaq.
Amsterdam təmsilçisinin baş məşqçisi Erik ten Haq niderlandlı futbolçunu gələcək planında görmür. "Qalatasaray" da təcrübəli oyunçunu heyətdə saxlamaq istəmir.
Babelin karyerasını MLS klublarının birində davam etdirəcəyi gözlənilir. "Ayaks"ın yetirməsi 2019-cu ildə "Fulhem"dən "Qalatasaray"a keçib.
