“Fənərbaxça”ya transfer olunan braziliyalı qapıçı Ederson Moraes “Mançester Siti”də keçirdiyi vaxtı şərh edib.
Sportinfo.az xəbər verir ki, o, İngiltərə klubunun rəsmi saytına verdiyi açıqlamada komandadan fəxr hissi ilə getdiyini bildirib:
“Fəxr hissi ilə gedirəm. Birlikdə çox böyük uğurlar qazandıq. Bu formanı geyinmək mənim üçün hər zaman qürurverici idi.
Pep Qvardiola ilə Premyer Liqada və Çempionlar Liqasında inanılmaz qələbələr qazandıq. Keçmiş komanda yoldaşlarıma və azarkeşlərə təşəkkürümü bildirirəm. Bu, həyatımın xüsusi bir mərhələsi oldu”.
32 yaşlı Ederson 8 il “Mançester Siti”də çıxış edib və 18 titula sahib olub.
