“Eyüpspor”un baş məşqçisi Arda Turan klubdan ayrıldığını açıqlayıb.
Sportinfo.az xəbər verir ki, bu barədə mütəxəssis Superliqanın 37-ci turunda “Antalyaspor”a 2:1 hesabı ilə qalib gəldikləri oyundan sonra jurnalistlərə açıqlamasında bildirib.
“Bu, mənim “Eyüpspor”dakı sonuncu oyunum idi. Komandanın baş məşqçi postundan ayrılıram.
3-4 seçim şansım var, qarşıdakı günlərdə hər şeyə aydınlıq gələcək. Bütün “Eyüpspor” camiəsinə təşəkkür edirəm”, - deyə A.Turan qeyd edib.
Arda Turan 2023-cü ildən “Eyüpspor”u çalışdırırdı. Onun Ukraynadan “Şaxtyor Donetsk”i ilə razılaşdığı deyilir.
