"Qalatasaray" klubu müdafiə xəttini yeni futbolçu ilə gücləndirməyə hazırlaşır.
Sportinfo.az xəbər verir ki, "sarı-qırmızılar" "İstanbulspor"da çıxış edən Mehmet Yeşilin xidmətində maraqlıdır.
"Qalatasaray" "Lill"in də transfer siyahısında olan 24 yaşlı mərkəz müdafiəçisi üçün danışıqlara başlayacaq.
Mehmet Yeşil 2016-cı ilin yayından "İstanbulspor"da çıxış edir. Türk futbolçu cari mövsümdə komandanın heyətində meydana çıxdığı 20 rəsmi matçda 2 qol vurub.